Monday, February 3, 2014

online ပညာရေးစနစ်ဆိုတာအလုပ်ဖြစ်နိုင်ပါသလားသိပါရစေ၊

ကိုအာကာဟိန်းမေးလို့ဖြေသည်
James Arkarhein 
ဦးလေးရေ ပညာရေးနဲ့ပတ်သက်ပြီး
online ပညာရေးစနစ်ဆိုတာအလုပ်ဖြစ်နိုင်ပါသလားသိပါရစေ၊
မေးသူ - ကိုအာကာဟိန်း

----ကိုအာကာဟိန်း ရဲ့ အမေးကိုပြန်ဖြေလိုပါတယ် ၊ ပညာရေး ဝေးသည်မရှိဆိုတာ စစ်အစိုးရခေတ် တက္ကသိုလ်တွေကို လယ်တော ထဲပို့လိုက်တာကိုပြောတာမဟုတ်ပါဘူး ၊ ရှေးပညာရှိတွေကအစ မိန့်ကြားခဲ့တာပါ ။

---- နိုင်ငံတကာမှာ အွန်လိုင်းပညာရေးဆိုတာ အင်တာနက်အခြေပြု ၂ဝ% ၊ သုတေသနပြုရှာဖွေတာ ၂ဝ% နဲ့ ဖတ်စာအုပ် ( ကြို ) ဖတ်တာ ၆ဝ% သုံးမျိုးပေါင်းစပ်သင်ကြားတာလို့ အကြမ်းဖျင်းမှတ်ယူရပါမယ် ၊ သေချာအောင်ထပ်ရှင်းပြရရင် ၁. တစ်ပတ်မှာ သတ်မှတ်ရက် ၁ ရက်ကိုနောက်ဆုံးထားပြီး အိမ်စာတင်ရပါတယ် ( ဥပမာ - စနေနေ့ည 11:59 PM ) ၊ ၂. ဘာသာရပ်ပေါ်မူတည်ပြီး ဆရာ-Instructor ခိုင်းတာပြီးအောင်လုပ်တင်ရပါတယ် ( ဥပမာ - သင့်ရဲ့စီးပွားရေးစီမံကိန်းကိုစာလုံးရေ ၂ဝဝ ခန့်ရေးပါ ) ၊ ၃. ဖတ်စာအုပ်ဝယ်ရင်ဝယ် ( ခန့်မှန်းခြေ $45 ) ငှားရင်ငှား ( ခန့်မှန်းခြေ $22 ) ပါဝင်တဲ့အခန်း-Chapter ဘယ်တစ်ခုကိုဖတ်ထားပါဆိုရင် ဖတ်ကိုဖတ်မှရပါတယ် ၊ မဖတ်ပဲနဲ့တော့မဖြေနိုင်ပါဘူး ။

---- မေးခွန်းတွေကတော့ ရွေးချယ်ဖြစ်ပြီး ဖြေဆိုချိန် ၂ နာရီရပါတယ် ၊ ၄ လ ကြာတဲ့ Fall ရာသီ နဲ့ ၅ လ ကြာတဲ့ Spring ရာသီတွေမှာ လပတ်စစ်-Midterm စာမေးပွဲ ၃ ခေါက်နဲ့ အတန်းတင်-င်္Final ၁ ခေါက်ဖြေရပါတယ် ၊ စာမေးပွဲဖြေခါနီးမှ ကွန်ပျူတာရှေ့မှာ ၃ နာရီလောက်ထိုင်လိုက်မယ်ဆိုတဲ့စိတ်ကူးနဲ့တော့ ညှာချလို့မရနိုင်ပါဘူး ၊ Online Learning ရဲ့ အဓိကထမ်းပိုးစေတဲ့မောင်းနှင်အားက " ကျောင်းသားကို မဖြစ်မနေ ကိုယ့်ဟာကိုယ်စာဖတ်ခိုင်းတာပါ " ဘဲ ။

----ဖတ်ပြီးသွားရင် အတန်အသင့်လောက်သိ - သိလာရင်စိတ်ပါလာ - စိတ်ပါလာရင် စာမေးပွဲဖြေချင်လာ - ဖြေရင်းနဲ့မသိတာ အင်တာနက်မှာရှာ - စာအုပ်လှန် - Google လုပ် ပြီး ဖြေရတာပျော်စရာကောင်းပါတယ် ၊ တစ်ဖက်က အလုပ်လုပ်ရင်း ကျန်တစ်ဖက်က ဒီဂရီယူနိုင်တဲ့သူတွေအများကြီးပါ ။

---- မြန်မာနိုင်ငံမှာဘယ်လိုသင်ရမှာပါလဲ ? အဓိက စာအုပ်ကို သေသေချာချာဖတ်မယ်ဆိုရင်တော့ အလုပ်ဖြစ်နိုင်ပါတယ်လို့ ဖြေပါရစေ ၊ ရောကျော်ချမယ်ဆိုရင်တော့ အရာမထင်နိုင်ပါဘူးခင်များ - ကျေးဇူးတင်ပါတယ် ။


ကိုညီညီ ( တောင်ကြီး )Blog

No comments:

Post a Comment