Sunday, September 15, 2013

Speakup ( American shing gyim lailen )


  ဒီတစ်ပါတ်တော့နေ့စဉ်ကြုံတွေ့နေရတဲ့အမေရိကန်ယဉ်ကျေးမှုပေါင်းသင်းဆက်ဆံရေးအကြောင်းတင်ပြပေးချင်ပါတယ် 
              ဒီဆောင်းပါးကိုရေးဖို့ဖြစ်လာတဲ့အကြောင်းရင်းက ရိုးရှင်းပါတယ်  လူကိုဦးစားပေးတဲ့စံနစ် ကို အကျွမ်းမဝင်သေးတဲ့မြန်မာတစ်ယောက်အဖို့ အမေရိကားမှာ ရုန်းကန်ရတာ စိန်ခေါ်မှုတွေကြီးမားလှတယ်ဆိုတာကတော့ အထူးပြောစရာလိုမယ်မထင်ပါ ၊မရိုးနိုင်အောင်ဘဲ မတူတဲ့အတွေ့အကြုံများက နေ့စဉ်နဲ့အမျှပါ  အမိမြန်မာနိုင်ငံက ဒီမိုကရေစီလမ်းစဉ်ကိုရှေ့ရှုလျှောက်လှမ်းနေပြီမို့လို့လူမှုအခြေပြု ယျဉ်ကျေးမှု ကို မလွဲမသွေသင်ယူသင့်တယ်လို့ ခံယူမိတာကြောင့် လေ့လာကြုံဆုံခဲ့သမျှကိုပြန်လည်ဖောက်သည်ချလိုပါတယ် 


လူဖြစ်တည်မှု ( Humanity )

          စတိုးဆိုင်မှာ ဈေးဝယ်ပြီးငွေရှင်းဖို့စောင့်ဆိုင်းနေရတဲ့အခါမျိုး နဲ့ ဆေးခန်းကောင်တာမှာစောင့်ရတဲ့အခါမျိုးမှာကိုယ်အလှည့်အရင်ပြီးအောင် နေရာမလုကြပါ  ကိုယ်ရောက်နေတဲ့နေရာပတ်ဝန်းကျင်မှာတွေ့တဲ့သူတွေကို “ Are you in line ? “ လို့လှည့်မေးတာတွေ့ရတော့ ပထမတုန်းက နားမလည်လို့ အူကြောင်ကြောင်ဖြစ်သွားရပါတယ်  မသိလိုက်ဘာသာသူတပါးကိုအလှည့်ကျော်မိသွားမှာစိုးရိမ်လို့  သင် အလှည့်စောင့်နေတာလား  လို့ ယဉ်ကျေးစွာမေးတာလို့ နောက်မှနားလည်မိပါတယ် မရည်ရွယ်ဘဲ မိမိ က အလှည့်ကျော်မိသွားရင်လဲ အမေရိကန်လူမျိုးတွေ သိပ်ရှက်ကြတယ်  ကိုယ့်ရှေ့မှာ သူများကအလှည့်ကျော်သွားရင်လဲ တန်းစီနေသူများအားလုံးငြိမ်မခံပါ ၊  လှမ်းတားကြတယ် ၊ တန်းတူညီမျှအခွင့်အရေး ( Equal Chance ) ကို လူအများတူညီစွာလက်ခံထားကြပါတယ် ။

          ဒီနိုင်ငံကလူတွေက စည်းကမ်းရှိတယ် လို့ တရားသေမပြောလိုပါ ၊ မြန်မာနိုင်ငံမှာလည်းစည်းကမ်းရှိတဲ့သူတွေအများကြီးပါ ၊အမှန်က  ပြဌာန်းထားပြီးသား ဥပဒေကို ဒီနိုင်ငံသားတွေ လိုက်နာလို့ ပိုတိုးတက်ကြတာပါ ၊ ဒီလိုလိုက်နာရန်ကိစ္စများကို တကူးတက ဘယ်သူတစ်ဦးတစ်ယောက်ကမှ လိုက်လံသင်ကြားပေးတာမရှိပါဘူး ၊ ကားမရပ်ရဆိုတဲ့နေရာမှာမရပ်တာမျိုး ၊ အရေးပေါ်လူနာတင်ကား (သို့မဟုတ် ) ရဲကား ဥသြဆွဲပြီးမောင်းလာရင် အသံကြားတာနဲ့ ကားကို လမ်းဘေးချရပ်တာမျိုး ၊ ကားလမ်းဖြတ်ကူးသူတွေ့ရင် ၁၅ ပေ အကွာအဝေး ကတည်းက ကားအရှိန်လျှော့ပြီးရပ်ပေးတာမျိုးကို မော်တော်ကားလိုင်စင်ဖြေဖို့ကျက်ရတဲ့စာထဲမှာ တခါတည်း ပါပြီးသားပါ ။

                  ဆေးရုံ ဆေးခန်း နဲ့ လူအများဧည့်ကြိုကောင်တာ ( Front Desk ) တွေမှာ ပိုးသတ်လက်သန့်စင်ရည် ( Hand Sanitizer ) ညှစ်ဗူးလေးတွေ ချထားပေးပါတယ် ၊ အဲဒါကလဲ ရောဂါပိုးပြန့်ပွားမှုမရှိအောင် ဆေးရုံ ဆေးပေးခန်း ဝန်ဆောင်မှု ကျင့်ဝတ်အရ လွန်စွာဂရုစိုက်ကြောင်း လူမြင်ကွင်းမှာ အတိအလင်း ကြေငြာပေးထားတာ တွေ့ရပါတယ် ။

                     ရှော့ပင်းမောတွေမှာ ဈေးဝယ်လက်တွန်းလှည်းငယ်များကို သတ်မှတ်တဲ့နေရာမှာပြန်ထားပေးကြတာမျိုးကျတော့ ဆိုင်ကချမှတ်ထားတဲ့ ( Please Return Shopping Cart Here ) ဆိုတဲ့စည်းကမ်းကိုလိုက်နာတာပါ ။

                    မက်ဒေါ်နယ် လို KFC လို အသင့်စား ( Fast Food ) ဆိုင်မျိုးမှာ ထိုင်စားပြီးရင် ကိုယ့်ခုံကိုယ်ပြန်သန့်ရှင်းရေးလုပ်ပေးခဲ့ကြပါတယ် ၊ လေယျာဉ်ထိုင်ခုံအတက်အဆင်းတွေမှာ ကိုယ့်ရှေ့ကလူပြီးမှ နောက်ကလိုက်ထွက်ကြတာပါ ၊ ဒီလို လူမှုရေးကျင့်ဝတ်  များကိုတော့ လူကြီးမိဘ နဲ့ ပတ်ဝန်းကျင်က လက်ဆင့်ကမ်းသင်ကြားပေးကြပါတယ် ။ လိုက်နာသူများတဲ့အတွက် စံနစ်တစ်ခုက မအောင်မြင်ဘဲမနေပါဘူး ။

                   စည်းကမ်းမလိုက်နာသူတွေကို ဘယ်လိုလုပ်မှာလဲ ? ဒါကလဲ မေးစရာတစ်ခုပါဘဲ  လူတိုင်းစည်းကမ်းလိုက်နာအောင်လုပ်လို့မရပေမဲ့ စည်းကမ်းဖောက်ဖျက်ရင် ဈေးကြီးကြီးဒဏ်ငွေဆောင်ခိုင်းထားပါတယ်  အမေရိကားမှာ အစစအရာရာ ဈေးမသက်သာပါဘူး 


          ပွင့်လင်းမြင်သာမှု ( Transparency )

                အသေးအဖွဲကအစ လမ်းညွှန်ဆိုင်းဘုတ်လေးများ ပြထားပေးကြပါတယ်  ဥပမာ လမ်းပြင်နေသည် လမ်းလွှဲမှမောင်းပါ”  ( Detour -  Road Work Ahead ) ဆိုတာနဲ့ ခလုတ်မတိုက်မိအောင် ပလက်ဖောင်းမညီညာပါ “ ( Uneven Pavement ) ဆိုတာမျိုးပါ  ဒီလိုကြေငြာထားဖို့လုံလောက်တဲ့အကြောင်းရင်းရှိပါတယ်  မြို့နယ်မြူနီစီပယ် ( သို့မဟုတ် )ဆောက်လုပ်ရေးကုမ္ပဏီ က သူတို့သတိမပေးလို့ လူထိခိုက်ဒဏ်ရာရမှုရှိရင် တရားစွဲခံရပြီဆိုရင် လျော်ကြေးက အဆမတန်ပေးရတာပါ ၊ နောက်ပြီး စတိုးဆိုင်  ရှော့ပင်းမောတွေမှာ ကြမ်းပြင်ပေါ်ရေဖိတ်ကျထားတယ်ဆိုပါစို့  သန့်ရှင်ရေးလုပ်ပြီးသွားလို့ကောင်းသွားရင်တောင် သတိထား  ကြမ်းပြင်စိုနေသည် “( Caution – WET FLOOR ) ဆိုတဲ့ လူလဲကျနေတဲ့ပုံလေးပါတဲ့ဆိုင်းဘုတ်အထောင်ပြားလေးများလမ်းပေါ်မှာချထားပေးပါတယ်  ဈေးဝယ် လမ်းသွား လမ်းလာများ  ချော်လဲမကျအောင်လို့ပါ ကားအမြန်နှုန်းရေဒါဖြင့်စစ်ဆေးနေသည်
 ( Speed Checked by Radar ) ဆိုင်းဘုတ်များလဲ မကြာခဏ တွေ့ရပါတယ်  သတ်မှတ်မိုင်ထက်အမြန်မောင်းတဲ့ကားကိုရဲကဖမ်းရင် မောင်းသူဒရိုင်ဘာက  လမ်းမှာကြေငြာထားလို့ဖမ်းတာလား  လို့ စောဒက တက်ခွင့်ရှိတာ ဒီမိုကရေစီ အခွင့်အရေးလို့အမေရိကန်နိုင်ငံသားများက ယုံကြည်ကြပါတယ်  ဖမ်းတဲ့ရဲကလဲ သူဘယ်လိုတိုင်းတာလို့ဘယ်လောက်အမြန်နှုန်းပိုမောင်းနေတာကိုတွေ့ရှိတယ်ဆိုတဲ့သက်သေပြပြီး ဗောက်ချာဖြတ် အရေးယူရပါတယ်  အဝေးပြေးလမ်းမှာလမ်းညွှန်ဆိုင်းဘုတ်တွေက ကိုယ်သွားလိုတဲ့နေရာကိုရောက်အောင်ညွှန်ပြနေကြသလို မလုပ်ရမှာတွေကိုလဲတားမြစ်ပေးကြပါတယ်    


ကုန်ပစ္စည်းသတိပေးချက် ( Product Warning and Safety Work Place )

                    ရှပ်အင်္ကျီထည့်တဲ့ရိုးရိုးပလပ်စတစ်အိတ်အကြည်ပေါ်မှာ ကစားစရာမဟုတ်ပါ “ ( This is not a toy )လို့သတိပေးကြော်ငြာထားတာတွေ့ဖူးပါတယ်  ဝယ်ယူသွားသူရဲ့ ကလေးထိခိုက်မှုမရှိအောင် သတိပေးတာ လိုတာထက်ပိုတယ်ထင်ကောင်းထင်ပါလိမ့်မယ်  လည်ပတ်နေတဲ့စက်ယန္တရား - ဥပမာ တွင်ခုံ ( Machine Shop ) နဲ့အလုပ်လုပ်သူကို လုပ်ငန်းခွင်အန္တရယ်ကင်းမျက်မှန် ( Safety Glasses ) မတပ်မနေရ ပါ ၊ ချွန်ထက်သောအရာဝတ္ထုနဲ့အလုပ်လုပ်တဲ့ အလုပ်ခွင် - ဥပမာ ပုံလောင်းစက် ၊ ဖိစက် ၊ ပုံနှိပ်စက် တွေမှာ ( Sharp Edge – Watch Your Fingers ) စာတန်းပါ သတိပေးဆိုင်းဘုတ်များ မရှိမနေရပါဘဲ ပူတဲ့မျက်နှာပြင်ရှိတဲ့လုပ်ငန်းခွင်မှာလဲ ( Hot Surface - Do Not Touch ) လို့ ပြထားပါတယ်  ဒီကုန်ပစ္စည်းသတိပေးချက်များကိုသတိထားမလိုက်နာဘဲ အန္တရယ်ကျရောက်ခဲ့ရင်တော့ ထုတ်လုပ်သူ ( သို့မဟုတ် ) လုပ်ငန်းခွင် က တာဝန်ယူဖြေရှင်းပေးမှာမဟုတ်ပါဘူး 


လူ့အခွင့်အရေး ( Human Rights )

                    တရားခံကို ဖမ်းမိတဲ့ရဲတွေရဲ့တာဝန်က မာရန်ဒါအခွင့်အရေး” ( MARANDA RIGHT ) ပါ အချက်အလက်များကိုရွတ်ဖတ်ပြရပါတယ်  အဲဒီအခွင့်အရေးစာတမ်းထဲမှာ () မည်သို့မျှမထွက်ဆိုဘဲ သင်နေလို့ရသည် (  )သင်ယခုပြောသမျှကိုတရားရုံးတွင်ဆန့်ကျင်ထွက်ဆိုနိုင်သည် (  ) ရှေ့နေရှေ့ရပ်ဖြင့်ဖြေဆိုခွင့်ရှိသည် (  ) ငွေကြေးမတတ်နိုင်ပါကသင့်ဆန္ဒရှိလျှင် ရှေ့နေငှားရမ်းပေးမည် (  ) အထက်ပါအခွင့်အရေးများအရ မည်သည့်မေးခွန်းကိုမျှမဖြေဆိုဘဲ သင် နေနိုင်သလိုမည်သည့်ထွက်ဆိုချက်ကိုမျှမပေးဘဲ နေနိုင်သည် စတဲ့ အချက် (  ) ချက် ပါဝင်ပါတယ်  ရှင်းပြတာကိုနားလည်သလား ?  နားလည်ရင်အခု ကျွန်တော်တို့ကိုစကားပြောဖို့ဆန္ဒရှိပြီလား လို့ ရဲက မေးရတာပါ  နည်းနည်းတော့ထူးခြားသလိုဖြစ်နေပေမဲ့ အမေရိကန်မှာနေထိုင်သူများ တပြေးညီအခွင့်အရေးရကြပါတယ် 

                 တနည်းအားဖြင့် အများပြည်သူသိရှိအောင် ရှင်းပြ ညွှန်ပြပေးကြတဲ့ အလေ့အထ က အခုမှ ရှိလာတာမဟုတ်ကြပါ လူမျိုးပေါင်းစုံနေထိုင်ပြီး မတူကွဲပြားတဲ့ ပြသနာတော်တော်များများကို ကျော်ဖြတ်ဖြေရှင်းပြီးရလာတဲ့ လူသားအရင်းအမြစ်အသီးအပွင့်တွေပါ လက်ရှိအသုံးဝင် အသုံးတည့်နေတဲ့ ဥပဒေ ကို လူ့အသက်ပေါင်းမည်မျှပေးဆပ်ခဲ့ပြီးရေးခဲ့ရသလဲဆိုတာကိုတော့ ဘယ်သူမျှမသိနိုင်ပါ ဒါပေမဲ့ ဒီမိုကရေစီ စံချိန်စံညွှန်းပါအချက်အလက်များကို ဥပဒေလို့ သတိမထားမိဘဲနေ့စဉ်ကျင့်သုံးယျဉ်ကျေးမှုကိစ္စတစ်ရပ်ဖြစ်အောင်ညင်သာစွာပြောင်းလဲပေးနိုင်တဲ့ အမေရိကန်လူထုခေါင်းဆောင်တွေကိုမချီးကျူးဘဲမနေနိုင်ပါ လူအများအလိုရှိတဲ့ အမြင်တူညီမှုတစ်ခု ကို အများစုရဲ့အားနဲ့ ပြောင်းလဲယူရတဲ့ သာဓကတွေ အမြောက်အများပါ  အချိန်လိုတယ်” ( It Takes Time ) လို့ ပြောနေမယ့်အစား  ယခုပြင်ရအောင” ( Let’s Make Change ) လို့ စတင်ပြုပြင်ပြောင်းလဲခဲ့တဲ့ပြည်သူလူထုအင်အားကို အားကျနမူနာယူပြီး မြန်မာနိုင်ငံမှာ နေ့စဉ်ကျင့်သုံးသင့်သော ယဉ်ကျေးမှုပေါင်းသင်းဆက်ဆံရေးကောင်းမွန်တိုးတက်ရေးကို အစဉ်မျှော်လင့်လျက် …. 


ကိုညီညီ-တောင်ကြီး

No comments:

Post a Comment