Thursday, September 19, 2013

Nnan du yang na Hkrun lam

Jinghku ni hte Manaw manang ni tsaw ra myit hte woi wam hkawm nna du hkawm ai US gana mahkrum madup nkau myi .........

Shawng nnan US Losangeles kaw du nna ,Atalanta Georgia,Florida Jeckson velle,Louisiana, US mungdan a sin na kawn sinpraw hkran daw ni hta gayin gawai hkawm chyai ai hku rai sai,
Shawng nnan daw gaw nbungli mung ajin aban jawn,Bai nna maw daw mung ajin aban nan jawn hkum she tsu ai hku rai sai.
Du ai hte 2,3 yan gaw hkum npyaw ai zawn ,baw machyi ai zawn culture shock,weather shock hkam sha ai lam rai nga ai.Rai tim shara nnan du ai hte jinghku manang ni rau hkrum zup lu majaw mung kabu let pyaw nga ai.
Losangeles kaw nnan du shang wa yang Jahpawt katsi pyaw ai hpe Myikyina buga zawn hkam sha ai.Rai tim Sunshine city florida hte Georgia Sate de du ai shaloi gaw aga ga Malaysia,singapore hta pyi grau gahtet ai zawn hkam sha ai hku re.
Bai nna Myen mung buga na du sa ai masha nkau myi shan hte tsun jahta gajai ai gamung ni state ngai hte ngai shai hkat nga ma ai.
Georgia Kaw du ai shaloi na mahkrum madup ni gaw,Malaysia kawn du sa ai Manaw manang ni alum ala rai hkap tau la hkrum ai,An hte nnan du ai ni hpe US asu ya hte garum ning tum hpung ni gara hku garum na,lek mat hkum sum hpa gara hku shawk na,Bungli galaw yang hkying hkum myi hta gade lu na,Ma hte kanu nta masha ni a garum madi shadaw gum hpraw gara hku shawk na,asu ya kaw credit lu na matu gara hku nga sa galaw gun hpai ra na ,e ndai hku ladi shachying hpang wa ai lam tsun jahta nga ma ai,
An hte Malaysia ga na ni RSD ngut sai i?Ya RST ngut shata gade rai sai kun?aw OPE htai ngut sai ngajang gaw Tsi jep sana re nga ai,Tsi awng jang gaw US lu pru na sha re sai,E hkau Nang Gara Mung dan ang a ta? Nga nna Jahta tsun hkat ai zawn ndai bu ga na ni mung tsun chyai nga ma ai.
Taxes hte Florida gaw Jinghpaw Wunpawng myusha ni shanu nga ai law dik re lam chye lu ai.
Manang ni hte hkrum yang an hte state de she htawt wa marit,grai hkrak ai nga nna an hte nnan du shang wa ai ni hpe Kadai mung kade a state grau hkrak ai lam tsun sang lang dan chye ma ai.

Florida Jecksonville de sadu chyai yang na lak lai ai hu gawng a Mahkrum madup ni gaw,
Pang lai hte ni ai du hkra ladaw hpe hkam sha ai,Kahtet ai,shana daw gaw grai nga pyaw ai.
Manaw manang ni shan hte tsun jahta ai lam gaw,Magam bungli hte Hpaga yum ga lam,Dum nta hte mawdaw kaja mari ai lam, Amahkam hkam daga lam ni hpe tsun jahta nga ma ai,

Shata pru na Hu gawng a Manang ni ndai florida e gara gaw gade a nta re, nga nna hkan madun,jing hku woi jahkrum rai n gun myi alu rai woi hkawm ai hku rai sai.

Sushi seng hpaw sha nna gum hpraw lawlaw lu ai ni,Mawdaw datsi seng hpaw sha nna nga ai ni,Lusha seng hte gat seng ni hpaw sha nna hpa ga let shang gum hpraw chye tam ai ni,gawgap bungli hpe laksan galaw ai ni hpe mung mulu ai hku re.

Florida e Jinghpaw wunpawng 200 jan nga ai hta na hting gaw law malawng gaw tinang nta tinang mari rawng nna ti nang magam bungli madu lu nga ai hpe mu lu ai hku re.
Nta manu mai nna mari rawng ai hkum shadu dam,US mung 5 kawn sen 2 jan dan ai nta ni mari rawng taw ai ni re yaw.Law malawng gaw US du ai 10,ning jan ni rai nga ma ai,
Jinghpaw ni gaw mawdaw mung second hand USED CAR,nau n mari jawn ai hpe mu lu ai.US mun mi jan hte mun 3 lapran mawdaw ni mari jawn ai hpe mu lu ai.Hpa majaw nga yang Used car Manu mai mai hte mari jawn nna hten jang pyin ai gaw grau manu hpu ai majaw re nga tsun ma ai.
Bai nna Florida Jecksonville Jinghpaw ni gaw, Jinghpaw wunpawng Laksan Nawku jawng Ginra Mari na lam mung bawng ban nga ai lam chye lu ai.Kyuhpyi garum ga.

Ning ngu nna american ga grai wanglu wanglang hte majoi myi lu pyaw nga ai gaw hkum shadu dam yaw,Asuya a gaw da ai rit kawp hkumsumhpa hte Tax sum hpa,ama hkam sum hpa hte gyit hkang da ai lapran kaw nrau n htau rai shakut shaja nna masha u tsang mai nga ai re hpe mung dum ra nga ai,

hpa myi nga tim Karai a shaman chye ju rai sai,Tsinyam hte du sa ai ni kaw na" nan hte Jing hpaw ni gaw lawan dik hku nna galu gaba wa nga myit dai "nga nna buga masha ni tsun nga ai lam hpe mung chye lu ai hku re.

hugawng a mahkrum madup sha re,
Bai hkrum ga.
By: http://hugawngkachin.blogspot.com/2010/08/10-days-trip-hugawng.html

No comments:

Post a Comment